Snoh kti ka Nohkalikai bad ka Dorbar Shnong Mawsmai Nongthymmai, ha ka Clean India

Shillong: Ha ka 28 Tarik u Risaw, 2021 ka shnong Nohkalikai, kaba hap ha ka Dorbar Khliehshnong Sohra bad ha ka 30 tarik u Risaw 2021, ki la ïa shim khia da kaba shim bynta lang ha ka jing pynkhuid shnong, kum ka thaiñ bad ki jaka jngoh kai pyrthei ba paw ban wanrah ïa ka khuid ka suba bad ka khubor sha kiwei pat lyngba ka Clean India Campaign kaba naduh ka 1tarik haduh ka 31tarik Risaw, 2021.

Ka NYKS Shillong kaba la pynlong ïa kane ka prokram ha ka jingpynïaid bad ïa lam khmat da u Bah K. Nongrum NYV Shella Block ka la lah ban ïa treilang bad kine ki shnong kiba ha ka thaiñ Sohra hi kum ki nongrah tiensyiem sha kiwei pat.

Ha kane ka program kaba la pynlong ha ka Nohkalikai village kaba long ka jaka kaba la ïoh ïa kyrteng jong ka na ka Kshaid Nohkalikai kala mih shakhmat ban ïa treilang ryngkat bad kane ka office NYKS khlem riej ban wanrah ïa ka khuid ka suba ban rat diengkhong ïa ki plastik kiba la pyni saidmet ïa ka jingitynnad kane ka jaka. Ki dkhot kiba la shim bynta ki long Ricky Ksing – Asst. Headman Nohkalikai.
Iarapborlang Ksing bad
Wedding Synrem kiba long ki dkhot.

Kumjuh ruh ka shnong Mawsmai- Nongthymmai kala long kaba kloi ban pashat ïa ka khubor sha kiba bun ki nongjngoh kai pyrthei da kaba pynlong ïa ka jingpynkhuid plastik ha ka jaka jngoh kai kaba long ka Mawsmai Cave bad la lah ruh ban pynkhuid ïa ki plastik na ki wah (streams and rivers). Ki dkhot ka shnong kiba la don ki long u bah L. Kshiar, Rangbah Shnong, bah K. Sohkhlet (dkhot), bah R. Thabah traidukan uba long ruh u Para Legal Volunteer, ka kong L. Sohkhlet, kaba long ka Block Coordinator bad kumjuh ruh kum ka nongshong shnong bad la wan ïa shim bynta lang ruh da ka President bad ki dkhot ka Sengkynthei (Women Organization) ka Mawsmai Nongthymmai bad kumjuh ruh ki Nongshong dukan bad ki nongjngoh kai pyrthei.

Kumjuh ruh la leh ïa kane ka program ha ka Sohra Government College Sohra ha kajuh ka sngi, ka 30 tarik u Risaw, 2021.

Ha kine ki program baroh la wan ïa shim bynta lang da ka NSS ka Sohra Government College, Sohra bad ka NCC (2nd Bn and 61st Bn) ka Rama Krishna Mission Higher Secondary School Sohra, kaba la ïa lam khmat da ka ANO, Capt. Rikynti Kynta 61st Bn Girls NCC Meghalaya bad kumjuh ruh ka kong R. Lynnong NYV Shella Block.