Sniew ka facebook, instagram, whatsapp da 6 kynta, U Zuckerberg, ula nang duk ha kine ki sngi

U Mark Zuckerberg, u la nang duk ha kine ki sngi bad ka jing don spah jongu, ka hiar da 6 billion USD. Ha kine ki sngi, ki don shibun ki jing ujor ia ka jing bym ler kam jong ka facebook, instragram, whatsApp kiba dei ki social media, ba la long trai da U Zuckerberg. Hynnin ka sngi, ka facebook, instragram, whatsApp kim shym la trei kam haduh hynriew kynta.

Ka Bloomberg, ka iathuh ba ka jinghiar kamai jong U Mark, ka hiar da 5 percent, hynnin ka sngi, na ka jingsniew jong kitei ki site bapher bad ka jinghiar kamai, ka long da 15 percent, naduh shiteng U Nailur 2021.

U Zuckerberg, haduh mynta, u don pisa USD 120.9 billion, ha kaba ula hiar mynta sha ka kyrdan kaba 5, shadien jong U Bill Gates. Ha ka jinghiar ka kamai jongu, U Mark, ula hiar da USD 19 billion, naduh ka 13tarik Nailur 2021, na kaba u don mynshwa 140 billion.