Sniew jubor ka surok Jowai Bye Pass

Jowai, 23 Nailar:
Ka jingsniew jong ka surok Jowai Bye pass (Riatmoolaiñ) na duh Lad Nartiang haduh jingkieng Myntdu, ka la long shaba palat kaba ktah ia ka leit ka wan jong ki briew khamtam ia ki trok kiba dei ban iaid lyngba nangne u ne u surok kum balong mynta bun ki jaka ymdon rong shuh sah sa tang ki thliew ki ba lang um.
Ka Hynñiewtrep Youth Council (WJC) Jaintia hills unit, ka leit peit ia ka jing long jingman jong kane ka surok. Ha ka jingleit peit ki nongialam ki jong ka ki la lap shisha ia ka jingsniew palat jong kane ka surok bad halor kane ka jing lap, ki la leit ban ia kynduh ia u Executive Engineer P.W.D (Road) South West Division West jaintia Hills ha ka jingialam jong u Damanleki Lathong president ka seng ban buh ka jing ujor halor ka ne ka jingsniew palat jong kane ka surok.
Na ka liang ka seng HYC ka da kyrpad jur ia ka tnad PWD ba kan shimkhia ban maramot ia kane ka surok khnang ba kan long kaba bit ba biang ban leit ban wan.