Nongpoh: Ka la don ka jingsngewthuh bakla da ki paidbah halor ka (Banner) ne jingthoh ban pdiang sngewbha ia kito ki samla pule bad ki nongtrei kiba sah ha kiwei pat ki jylla kiba hap hapoh Northeast, kaba la thoh da ka Health & Family Welfare Department ka sorkar jylla, kaba la thoh COVID-19 “WELCOME BACK TO MEGHALAYA”
Ha ka jingshisha ka jingthmu ka Health & Family Welfare Department halor katei ka jingthoh ka long, ban pdiang sngewbha ia kito ki samla kiba la sahkut la ha kiwei pat ki jylla, kata naduh ka sngi ba la pyntreikam ia ka Lockdown ne ka jingkhang dam ha baroh ka Ri India. Kumta kum ka dak ban pdiang sngewbha ia kitei ki samla sha la ka jong ka jylla, na ka liang ka Health & Family Welfare Department, ka la thoh da kitei ki kyntien ban pdiang sngewbha ia ki, hynrei ki paidbah ki la pynlong biria bad pynlong kamkai, kaba la pynlong ruh ia ka Health & Family Welfare Department ba kan weng noh ia katei ka Banner na ka jaka kaba ki buh.
Lah ruh ban kdew hangne, naduh ba ka sorkar ka la pynbna ba la shah ia ki samla pule bad kiba trei ha kiwei pat ki jylla hapoh Northeast ba kin wanphai sha la ka jylla, kat haduh mynta ki la don kumba 700 ngut ei ei ki samla kiba la wanphai sha ka jylla bad ia kitei la dep ban khmieh bniah katkum ka jingbthah da ka sorkar jylla.
Ym dei ki paitbah ba sngewthuh bakla, dei ka jingbakla jur ka Health Department ban thoh iaki kyntien….lada ka long kumne kan long ka jinglehrain iaka sorkar….
hd ka dei ki bakla ma ki kynnoh ia paidpah la long kumba phi khot bng
Ka sorkar te imat kam ju bakla lano lano ruh..dei beit ki paidbah kiba bieit bym ju ia sngewthuh.