Sngewnguh kiba ha iing ka Cicilia

Nongstoin, 14 Naitung:
Kiba ha iing ha sem jong ka Cicilia Pariong,  ki la pynpaw ia ka jing sngewnguh ia ka Dorbar Shnong Mawroh, ka tnad Police  khamtam ia u bah S.Nongtnger SP,WKH Nongstoin,  u bah T.Lyng doh OC Nongstoin  bad ki nongtrei jong u baroh kiba la ialeh shitom haduh ban da ioh pyllait ia katei ka khynnah bad kem ruh ia u Lavkush Kumar.
Katei ka jinglah jong ki bor pulit ka Nongstoin PS ban pyllait ia katei ka khynnah na ka kti jong u tei u nongrahbor na Meja kaba hap hapoh ka Jylla Uttar Pradesh, ka long da ka jingiatreilang  bad ka Meja Police ryngkat bad ka Social Wefare ha kaba ki la lah ban wanlam noh ia katei ka khynnah sha Nongstoin bad la aiti noh sha ki ba haiing ha sem  ha ka 13 tarik mynta u bnai.
Ka kyrwoh khubor na ki ba ha iing ki la pynpaw ka jingsngewnguh kumjuh ia ki nongiarap ha katei ka jingjia rahbor ia ka Cicilia Pariong, kiba kynthup ruh ia ki sengbhalang  kum ka KSU, FKJGP, West Khasi Hills, Mawthadraishan Circle  bad sengkmie, ki longkmie jong ka CSWO Shillong  bad Nongstoin, ka Child Protection, Child line, Social Welfare, ki sordar shnong jong ki shiphew tylli ki shnong  naduh kynshi haduh Markasa Area.
Ka jingsngewnguh ka leit ruh sha  ki VDP jong ka shnong Mawroh bad ki shnong ba marjan, ka seng Rangbah Diocese Nongstoin, Nongkasen Parish (Markasa), u bah HB Nongsiej MLA, MDC ka thain bad baroh kiba la ianoh mynsiem  ha katei ka jingjia.