Sngewnguh ka RMEIA ba shalan Maw

Shillong, 16 Naitung:
U President ka Riwar Mihngi Exporter and Importer Association (RMEIA), Bah R. Lyng doh bad ki dkhot katei ka seng ki la sngewnguh ia ki heh sorkar kiba la iarap ban pynbeit ia ka kam kaba iadei bad ka jingsha lan mawshun sha Bangladesh, kaba katei ka seng ka shem jingeh namarba la sangeh haduh ar bnai tam.
Ka ai khublei ruh ia kito baroh ki ba la ia don bynta ha kane ka kam khamtam ka Ka Foreign Trade Chamber of Commerce Meghalaya, ki Truck Owners and Driver Associations, War Jaintia Limestone & Boulderstone & Miner Association, ki paidbah nong ai mynsiem bad ngi ngeit skhem ba ka jingduwai jingkitbok jong ki ka don ryngkat jong ki , ka pynpaw ka ingsngewnguh ruh ia u Bah P. Tynsong, Minister Forest u ba la shah skhor ia ka jingud katei ka seng na ka bynta ka im ka iap jong ki paidbah.
Ka la pynbna ruh ba baroh ki kali kit maw na Khasi Hills ba kin ai ka jingia treilang khnang ban suk ka leit ka wan ki paidbah khlem jing pynwit ia ka lynti ne jingpyn dheng kali bad ka pyntip ba ban lait na katei ka dheng kali ha shi lynter ka surok khappud , ka la buh lang noh ia ki nongpyniaid kali naduh lad Jowai bad ki kali kiba wan na East Khasi Hills ki dei ban bud lang da ka lain, ong ka kyrwoh khubor na u Shiningstar Khongthohrem Secretary Riwar Mihngi Exporter and Importer Association.