Sngewnguh ka Moolari Jalyiah bad ka Seiñ Raij Shnong Khliehmyntriang ia ka Ramakrishna Mission

Shillong:Ka Dong Moolari Jalyiah bad ka Seiñ Raij Shnong Khliehmyntriang, East Jaintia Hills District, ka pynpaw iaka jingsngewnguh kaba khraw haduh katta katta ia ka Ramakrishna Mission, Sohra Shillong, kaba la kloi ban kner ka kti ka diang ka mon jong ka ban ai ka jingiarap da u khaw bad u dai sha ki katto katne ki long ïing baduk, khamtam kum ha kane ka por jong ka jinglynshop jong ka khlam Covid-19 hapoh ka Ri bad ka pyrthei hi baroh kawei ba bun ki longing baduk kiba ia kynduh shibun ki jingeh khamtam ha kaba ia dei ka bam ka dih.

“Ngi pynpaw ruh ka jingsngewnguh iaki teams jong ka Mission naduh ka Madam G Majaw, ia u Maharaj bad khamtam ia u Waheh Manbha Langdoh u ba peit sha kane ka thain jong ngi, ba lyngba jong u ba ki paidbah jong ka thian jong ngi ki la ioh iaka jingiarap” ong ka kyrwoh, ba la phah da u waheh R.Harvis Phawa, Assistat Secretary Dong (Club) Moolari Jalyiah bad u Waheh Joining R Dkhar Ex-Waheh Shnong Khliehmyntriang.