Sngewnguh ka Dorbar shnong Umlyngsha ia u MLA Khliehriat bad MDC Bataw Lakadong

Khliehriat: Ka Dorbar shnong Umlyngsha, Elaka Lakadong, East Jaiñtia Hills District, ka la pynpaw ia ka jingsngewnguh ia kiba nongmihkhmat jong ka thain ia u Ma Kyrmen Shylla MLA Khliehriat, bad kumjuh ia u Dr. Sankey Shangpung,MDC Bataw Lakadong Constituency, kiba sngew ia ka eh ka shon jong u paidbah ka shnong ha kum kine ka por khangshnong, na ka bynta ban ialeh pyrshah ia u Covid 19 haba kine ki nongmihkhmat ki la iarap da u khaw ia ka shnong.

Ia kane ka jingiarap la pdiang sngewbha da ka Dorbar shnong haba ka la pynpaw Ia ka jingsngewnguh bad burom Ia kine ki arngut ki nongmihkhmat haba na ka liang ka shnong ka la kitbok ia ki baroh arngut ba kin ioh ia ka met kaba koit kaba khiah khnang ba kin dang lah ban ai ka jingshakri ia ki paidbah ka thaiñ ha baroh ki liang, ong ka kyrwoh lyngba u M. Syrto, Waheh Chnong Umlyngsha.