Sngewnguh ka ABVP, ba ka Jylla, ka la teh lakam ia ka covid 19

Shillong: Ka ABVP Meghalaya, ka kyntu ia baroh ki dkhot ha ka jylla ba kin thang mombati ban kynmaw burom ia ki 20 ngut shipai jong ka ri.
Baroh ki dkhot ha kylleng ka jylla ki la ieng lang bad ki Army ha Jaintia hills, Khasi hills bad Garo hills.

Te ka Akhil Bhartiya Vidyarthi Parishad  (ABVP) Shillong  ka la pynlong ia ka jingthang mombati ha Rilbong, ban kynmaw burom ia kito ki shipai kiba la aiti bad duh noh ia la ka jingim na ka bynta ka ri ha ka jingialeh pyrshah bad ki shipai china ha Gulwan Valley Ladakh ha ka 15tarik Jylliew 2020.

Ha kane ka janmiet U M.L.A ka 19 South Shillong U Bah Sanbor Shullai u bad kumjuh ruh U Bah H. Thabah Rilbong Beathouse Station In-charge, ki la don ryngkat bad ai ruh ka jingkyntu ia baroh ba ha kane ka por dei ban don ka jingia tylli bad kyntu ruh ia ki paid bah ba dei ban nym pyndonkam shuh (Boycott) ia baroh ki tiar China. 

Ka Secretary jong ka ABVP ka la ai jingkren halor ka jingaiti bad len lade jong ki shipai na ka bynta ka ri. Shuwa ia kane kane ka la don ruh ka jingsngapjar ba ar minit bad buh syntiew kum ka dak ka jing burom ia ki arphew ngut ki shipai ba la khlad ha ka jingialeh pyrshah ia ki shipai china, ong ka kyrwoh na ka kong Darilin Tang, State Secretary  ABVP Meghalaya.

Myn hynnin ka sngi ki dkhot ka ABVP Meghalaya ki la ioh lad ban ia kynduh ia u Chief Minister Shri. Conrad K Sangma bad Bah A.L Hek ban pynpaw ia ka jingsngewnguh ia u bad ia ki kynhun jong u halor ka jingshimkhia jong ki ban teh lakam ia ka jingsaphriang jong ka khlam COVID-19. Ka Meghalaya ka la long kaba ha khmat eh na baroh ri jylla ka ri India ba lah ban tehlakam ia kane ka khlam.

Ka ABVP Meghalaya ka la aiti ia ka memorandum ha u CM  ha kaba ka la ai ruh ia la ki jingai jingmut na ka bynta ban pynkiew ia ka pule puthi, kum ha ka ban pynlait noh ia ka scholarship jong ki khynnah pule jong kane ka session. Ka secretary ka la pynpaw ruh ba kane ka jingia kynduh ka long kaba seisoh namar ba u CM u la kular ba un sa pyntreikam ia  kine ki jingai jingmut jong ka seng ban iarap bad kyntiew ia ka pule puthi ha ka jylla.