Sngewnguh ia ka tnad Horticulture

Shillong, 30 Naiwieng:
Ka Iamonlang Self Help Group Kemrang (Mawkliaw) kaba hap hapoh ka Hima Sohra, lyngba u Chairman jong ka u bah Harlin Khriam ka la pynpaw ia ka jing sngewnguh ia ka tnad Horticultur ka sorkar jylla kaba la iarap ia katei ka seng ban pynioh jingiarap da kaba noh synñiang da ka lai shiteng dor kaba la pynioh lyngba ka scheme Post Harvast Marketing -2013-2014 kaba la pynioh na ka ophis jong u District Horticulture Officer ka East Khasi Hills, ha kaba la ai jingiarai da ka jingsiew kaba shiteng dor ban thied ia ka kali kit mar-rep kaba shiteng la siew da katei ka tnad bad shiteng la siew hi da ki nongrep jong katei ka SHG.
Na ka liang u Chairman katei ka Group u la ong ba katei ka jingioh jingiarap na ka ophisi ka tnad Horticulture ka la ai jingiarap shi katdei ia katei ka kynhun synropki nongrep ha kaba ki la lah ban pyniaid shaphrang ia ka kam kaba ym tang katei ka Group hynrei kaba ki nongrep katei ka thaiñ baroh kawei ki donkam.