Sngewnguh BDO ka Umsaw

Shillong, 13 Nailar:
Ka Dorbar shnong Umsaw Lumdorbar, Ri Bhoi District ka la pynpaw ka jingsngewnguh ia u Block Development Officer jong ka Umsning Block, u Bah P Khonglah uba la leit ban jngoh da lade ia katei ka shnong kaba dang sahdien ha kam pynroi hynnin ka sngi.
Ki riew rangbah kynthup ia u Pa’iem Niwell Shadap, Syiem ka Raid Nongtung, bah Lungsing Bey, President ka RUPA Ri-Bhoi Zone, bah Alos Nongpoh bad ki riew rangbah ka shnong, ki la sngew tynnad hadien ba na ka liang u BDO ula kular ban iarap katba lah na ka ophis jongu.
U Secretary shnong, u bah K Lyngdoh ula ong ba katei ka shnong ka la shah iehnoh bein ha ha ki kam pynroi, kum ka umbam umdih ki lynti syngkien bad kiwei, bad naduh ba la seng ia ka shnong kam pat ioh jingiarap na ka sorkar, kumta ka jingleit iuh kjat jongu BDO ka la ai mynsiem ia ka shnong ba ioh bynta lem ia ki kam pynroi kum kiwei ki shnong.
Na ka liang ka RUPA ka pynpaw ia ka jingkmen ia u BDO ka Umsning Block uba la shimkhia ban leit jngoh ia katei ka shnong bad ka la kyntu ba un ai jingiarap lem ia ki paidbah ka shnong.