Sngewnguh, ba weng jait Dkhar ia U Jagir

Shillong: Ka Seiñ Kur Dkhar Wapung Circle East Jaintia Hills District, ka ai khublei kyrpang ia ka KSU War Jaintia Circle bad ka Sub Divisional Officer (Civil), Amlarem Sub Division ka Kong J.U Kharpuri, kiba la shimkhia ban khot hajir ia uwei u bar jylla uba kyrteng u Jagir uba la pynkylla Kur thok ialade, da kaba shim ia ka jait jong ka kur Dkhar, uba la ioh ruh ia ka EPIC ha ka electoral rolls jong ka shnong Mupyut West Jaintia.
Ka Kur Dkhar ka pynrem jur ia kiba ailad ia kum kine ki bar jylla poiei ban shim ia ka kur ka jait ba kyntang, kaba ki ioh na ki longshwa manshwa.
“Ngi maham tyngeh ia kino kino ki briew kiba shim kabu da kaba pyndonkam ia ka jait jong ka Kur jong ngi” la ong u Samla Shaniah Skhem Dkhar, President Seiñ Kur Dkhar Wapung Circle, “Ngin nym ailad ia kum kito ki jait briew kiba shim kabu tang ban ioh myntoi ialade” ula ong shuh shuh.