Sngewnguh ba kynriah PWD sha Shangpung

Jowai:Ka Synjuk ki Rangbah Shnong ka Laskein Block Unit ka la pynpaw ia la ka jingsngewnguh ia ka sorkar MDA hapoh ka jingialam u Conrad K Sangma halor ka rai ban pynkynriah ia ka ophis treikam ka tnad PWD North Division na Jowai sha shangpung.

U Finance Secretary ka Synjuk u Danny Shadap u la ong bun eh ka jingiadei kam halor kane ka Division kidei kiba hap hapoh ki ar constituency kata ka Shangpung bad ka Mowkaiaw Constituency bad kane ka rai jong ka sorkar kan iarap shi katdei eh ia ki paidbah jong ka thain hi baroh kawei.