Sngewlyngngoh u Lamphang ka iingdorbar thawaiñ, ba la sdang biang ia ka jingpynlip bording ha ka jylla

Shillong: U Bah Metbah Lyngdoh u ba dei u Lamphang jong ka iing dorbar thawaiñ jong ka Jylla bad ha kajuh ka por u ba dei u nongialam jong ka seng United Democratic Party(UDP) u la lyngngoh hi ngaiñ ba kumno la sdang ban pyndon biang ia ka load shedding hadien ba ka Sorkar Jylla ka la pynjari ban pyndon biang ia ka jingpynlip bording naduh mynta ka sngi ba ar kata ka 2tarik u Lber 2021.

Haba kren sha ki lad pathai khubor, u Bah Metbah u la ong, “Ym dei ban load shedding eiei ruh em ia mynta. Na ka por sha ka por ngi don tangba kam dei pat ban don haduh katne katne kaba la poi haduh 6 ne 7 kynta ha ka shisngi, te kata te ka la ktah shibun. Nga kren khia bha kane ia u Chief Minister ba un leh ia kaba donkam na ka bynta ka bit ka biang jong ki khynnah bad ki nongshong shnong. Haba iadei bad kane ka jingpynlip light kaba mynnin mynmiet, mynne mynstep bad ha man la ki area bad iohi ba ka notis ka don ba kan don biang ka jingpynlip light bun kynta, nga tharai kane kan don ka jingktah kaba khraw bha na ka bynta ka State kum ki nongshong shnong”.

Shuh shuh u la ong ba ha u bnai ba dang shu dep ka la don hi ka jingpynlip bording ha ka jylla hynrei ka Sorkar ka la dep ban siew lut ia ka ram sha ka Company kaba supplai light ha ka Jylla hynrei u shu lyngngngoh pat kane ka jingpynlip bording ka la sdang biang mynta.