Sngewlem Vikash ka SCC

Shillong,28 Risaw:
Ki dkhot ka Shillong chamber Choir ki la pynpaw ka jingsngewlem halor ka jingkhlad noh jong u trai dukan ka Motphran u Vikash Nandwal, Ka SCC ka la ong ba ki ki kyntien kiba u kpa u Vikash u la kren ha ka sngi ba pynkhuid ia ka metiap jong u ka long kaba ktah haduh katta ha kaba u la kynthoh da ki jingkren jong ka jinglong la kloi ban iai map ia kaei kaba la dep jia. Ka SCC ka la duwai kyrpang na ka bynta ka longing longsem jong u kiba haing u Vikash. Ka kyrwoh na u nongialam katei ka kynhun rwai ka jylla u Bah Neil Nongkynrih ka la ong ba wat la ka kynhun kam lah ban ia don bynta lang ha ka jingiathang mombati ha ka 26 tarik mynta u bnai namar ba ka kynhn haduh mynta ka dang don ha Mumbai, hynrei ka la duwai kyrpang ba ka mynsiem u Vikash kan shong jahthait.
Ka Dorbar shnong Wahthapbroo ka phah ia ka jingsngewlem sha ki bahaing ha sem jong u Vikash Nandwal, u trai ka dukan ka Meghlaya Machineries, kaba sdang hap hapoh ka Dorbar shnong Wahthapbroo uba la khlad noh ha ka jingshah thang hapoh ka dukan, ha kine ki taiew ba la dep. Ka dorbar shnong Wahthapbroo ka kitbok kitrwiang ruh ia ka ing ka sem jong u , bad ka mynsiem jong u kan kyrkhu kyrdoh ia ka ing ka sem jong u baroh kawei.