Sngewlem U Sordar Mukertila, ia U bah GS Massar

Shillong: U bah Phrenly Kongwang, Sordar ka Raid Mukertila, u phah ka khubor sngewlem halor ka jingkhlad noh u bah G.S Massar uba dei u MLA bad MDC barim jongka Nongshken Constituency.

U bah Kongwang haka jing pynmih khubor, u pynpaw ba ka long ka jingduh kaba khraw ia u shimet, ia ka iing ka sem jong u bad khamtam iaka Raid hi baroh kawei lem bad ka Constituency kaba u la noh synniang shibun haka por ba dang bat ha ka kam kum u MLA bad MDC jongka thain. La ong shuh shuh ba U Bah Massar, u la shakri ia ka thain la kumba 20 snem tam ei ei bad u la noh synniang shibun haka ban kyntiew iaka roi ka par jong ka thaiñ hi baroh kawei. U Sordar ka Raid Mukertila u phah iaka Khubor sngewlem sha kiba ha iing ha sem jong utei u rangbah ha kaba kum kane ka por jongka jingsngewsih kaba ki ia kynduh ha ka iing jongki bad u Sordar u duwai ba u bah Massar un ioh iaka jingjahthait ha dwar jong u Blei.