Sngewlem ka Ri Bhoi Synod halor ka jingaksiden Kali

Nongpoh, 01 Lber:
Ka Ri Bhoi Presbyterian Synod, lyngba ka kyrwoh kaba la pynlait da U Rev. H.L Marsing, Senior Executive Secretary RBPS, ka la pynpaw ba kum ka Synod ka dap da ka jingsngewkhia mynsiem halor ka jingjia kaba sngewsih kaba la jia ha ka 26 tarik u Rymphang, 2017, ha ka jingleit sha ka jingïaseng Samla K.J.P Synod Sepngi, ha ka Balang Nonglang.
Kum ka Synod ka pynpaw ruh ia ka jingsngewkhia kaba kyrpang ia ki briew na ka Shnong Nginiong, Mawbyrkong bad Nongbudam kiba la iakynduh ia katei ka jingjia kaba ym shym la poi pyrkhat.
Kumta haba iadei bad katei ka jingjia ba sngewsih, na ka liang ka Synod ka buh ruh ia ka jingduwai kaba kyrpang kyrpang ba U Blei jong ka jingieit un ai ka jingpyntngen bad ka jingpynshait bor kaba kynja mynsiem ia kito baroh kiba la kynduh ia katei ka jingjia ba sngewsih kthang, la bynrap ka kyrwoh na I Rev. H.L Marsing.