Sngewlem ka MEPA, halor ka jingkhlad U bah Sumar Sing Sawian

Shillong: Ka Meghalaya Editors’ and Publishers’ Association (MEPA) ka pynpaw ïa ka jingsngewsih kaba khraw halor ka jingkhlad noh jong u Bah Sumar Sing Sawian iba long u nongthoh khubor uba la rangbah bad iba la noh synñiang shibun sha ka kam pathai khubor ha ka jylla. Ka jingkhlad noh jongu, ka long ka jingduh bakhraw ïa ka kam thoh khubor ha ka jylla.

“Halor kane ka jingjia basngewsih, na ka liang ka MEPA ka phah ïa ka khubor sngewlem ïa ki bahaïing hasem jong u Bah Sumar bad ngi duwai ba u Blei un ai ka jingtngen ha kum kane ka por ba sngewsih” ong ka kyrwoh na U bah John W. Thabah, General Secretary, MEPA.