Sngewlem Abdul Kalam ka PCI

Shillong, 30 Naitung:
Ka Peace and Justice Committee jong ka Presbyterian Church of India ha ka jingiakynduh jong ka kaba la long mynta ka sngi ha nongbah Shillong ka la kynmaw burom bad sngewlem ia ka jingkhlad noh u President barim ka India u Dr.APJ Abdul Kalam ha nongbah Shillong. U Chairman katei ka komiti u Rev. PBM Basaiawmoit u la lamkhmat ia ka jingsngap jar kaba shim init kum ka dak ka jingburom ia utei u riewkhraw ka ri bad hadien la pynbud sa ka jingduwai na u Rev.N.W Marsing uba la duwai kyrpang na bynta ki bahaing hasem utei u riew khraw bad ia ak ri bad ka jaitbynriew baroh kawei.