Shillong: U Conrad Sangma, myntri rangbah ka jylla, ula pynpaw, ia ka jingsngewkmen kaba khraw jongu, haba ula don lang bad U Himanta Biswa Sarma, myntri rangbah ka Assam, ha kaba ki la plie, ia ka Karbi Hemtun bad buh maw nongrim, ia ka hostel, kaba 100 tylli ki jingthiah bad ka ban tei ruh ia ki dukan bapher ha Shillong.
U Conrad u phah ia ka jing ai khublei sha ki paidbah Karbi bad kumjuh ia ka Karbi Anglong Autonomous Council, kaba la shimti ban plie ia katei ka Hemtun.
U Sangma, u kyrmen ruh, ba ka jingiajan bad ka jingiaieid hapdeng ki jaitbynriew bapher ha ka thain shatei lam mihngi, kan nang khlain, hapdeng ka jingiapher jong ka jinglong jingman jong ki briew ha ka thain, katba ki shim khia, ha kaba pynneh pynsah, ia ka dustur riti bad ka kolshor ba ki don, ha la ka jong ka jong.
Ka Hostel Sarkar ne jong ki riew shimet?Sngewbha pynshai lem,khublei.
Nga tharai kan dei ka jong ka Sorkar Assam. Syriem kum ka Meghalaya House ha Guwahti ne Kolkata. Kane ba ki plie kan long kum ka Karbi House ha Shillong.
Balei ka Sorkar kam shim kabu ha ka ban plie ruh ia kawei ka Hostel na ka bynta ki Nongkyndong (Rest House for Rural Citizens) bapli kiba wan donkam sha Shillong ne kiba wan shim Dawai. Namar haba kim lah ban pyndep ia ki kam jongki ha ka shi sngi ki bapli ki hap ban pynlut pisa sa ban sah Hotel. Hynrei lada yn don noh da kum kane ka jait Hostel kan iarap shibun ia kiba duk ba kyrduh.
KHUBLEI SHIBUN