Sngewkmen ki Nongrep ban iasyllok bad ki samla pule St. Edmunds College

Jowai, 4 Nohprah:
Ki nongrep jong ka shnong Nongkhroh kiba don hapoh ki artylli ki kynhun iarap dalade ialade (SHG) kila ioh mynsiem naka jingiayllok bad ia phhylliew jingmut bad ki samla pule Bachelor of Social Work (BSW) jong ka St. Edmunds College Shillong. Ki samla pule hapoh ka jingialam jong i kong W. Syngkon iba long i nonghikai iba la ialam ia kane kynhun kaba 110 ngut ryngkat bad ka jingiarap jong u D. Marpna uba long u field Coordinator jong ka BSW department kila wan iohkjat ha ka shnong Nongkhroh kaba don hapoh ka Thadlaskein Block jong ka West Jaintia hills District.
Ia kane ka kynhun jong ki samla pule la pdiang sngewbha da ki artylli ki SHG kiba don ha kane ka shong ka Shaphrang SHG kaba dei ka kynhun jong ki shynrang bad ka Kiewshaphrang kaba dei ka kynhun jong ki kynthei ia kiba la kyrshan bad btin lynti da ka Society for Urban and Rural Empowerment (SURE), Jowai.
Naka liang jong kine ki artylli ki kynhun la ioh ia ka jingkren na u Albinus uba long u Secretary jong ka Shaphrang SHG. Ula iathuh ba u mar rep uba kham pawkhmat uba kila la rep u dei u sying ia uba kila die hadien bad la dep tylliat bad kumjuh ruh ki shna mit mit sying ruh kumjuh. U Albinus ula iathuh ba kane ka SHG mynta kala lah ban seng wat iaka skul miet naka bynta ka jingmyntoi jong kiba la pep skul shiteng por ha kane ka shnong
Naka liang jong u Remeo Nongspung ula iathuh ba naduh ba kila seng iaka SHG kala wan rah ia ka jingkylla haka rep ka riang ka jong ki bad ha kajuh ka por ka jingiatylli ruh ka khlain bha hapdeng ki para dkhot.
Ka jingmyntoi ka dei ruh lyngba ki training kiba ka kynhun kala ioh da ka jingiarap jong ka SURE kaba long ka NGO kaba la kyrshan ia ki. Ki dkhot jong ka seng kila ioh ban leit ia ki training wat shabar ka jylla ruh iathuh u bah Remeo Nongspung.
Na ka liang jong ka Deadideakeami Mohrmen kaba long ka field coordinator jong ka SURE kala batai shaphang ka SURE bad ki rukom treikam jong ka bad hadien pat la ioh ia ka jingkren na u Habandajop Lyngdoh uba la batai shaphang kumno bas eng ia ki SHG group kaba dei ka project jong ka NABARD kaba kane ka Seng ka pyntreikam.
Hadien la ioh iaka jingkren na ka kong W. Syngkon kaba long ka nonghikai jong kane ka skulbah kala ai khublei ia ki nongrep bad ki nongtrei jong ka Seng kiba la kloi ban iasam lem ia ki jingiakynduh (experience) jong ki bad ki samla pule namar kine ki samla dei kiba pule ia ka lain kaba ia dei bad ka imlang sahlang.
I la ong ruh ba kila ialam ruh ia ki samla pule sha kiwei pat ki SHG hynrei ka rukom treikam jong ki SHG ha Nongkroh ka dei kaba kham pher bad kaba la nangiaid shakhmat.
Haba iakren bad u nongai khubor u bah Remeo ula ong ba haba ioh kum kane ka jingiasyllok bad ka jingiamir jingmut ngi ki nongrep ruh ngi nangioh bor ioh mynsiem bad u kyrmen bay n dang lah ban ioh ia kiwei pat ki jingiakynduh ingiasyllok kiba kumne khnang ba ki nongkyndong kin nang ioh mynsiem.