Shillong: Ka Awaken India Movement (AIM) ka shim, ba ka dei ka jingjop kaba khraw ia katei ka seng, haba ka Indian Bar Association (IBA) & Awaken India Movement, hadien ba ka Supreme Court, ka la pynbna hynnin ka sngi, ba kam don kano kano ruh ka bynta ba kyrpang ban pynbor ia ki khynnah skul ba dang pule ha kaba shim ia u TIKA (Vaccine) jong ka Khlam Covid-19.
Ka Supreme Court badon burom, haba shim ia ka rai, ka la buh ki kyndon ba ymdei shuh ban pynbor ne
wat ban bthah ruh ia ki khynnah pule halor kano kano ka bynta ban shim ia u TIKA ne wat ban wanlam ia ka Syrnot (Certificate) ba la dep ai TIKA hapoh ka Skul ne wat halor ka Examination ruh kumjuh.
Ka Supreme Court, ka la bthah sha ki Jylla bapher bapher kiba dang hap hapoh ka Ri India lyngba ki Tnat
ba dei peit ia ka pule puthi hapoh ka Jylla, ba ki donkam ban phah ki jingthoh mar mar ha baroh ki liang, ha kaba iadei bad ka jingai TIKA jongka Khlam Covid-19.
Ka Supreme Court hadien ba la dep ban shong pyrkhatkam ha ryngkatlang ka jing bishar bniah ha baroh ki kot ki sla, katkum ki kyndon ba la phah jong ka kynhun Awaken India Movement (AIM), lem bad ki kyndon aiñ ba la phah jongka Indian Bar Association (IBA) bad ki RTI bapher bapher, kumta hi u Deputy Director jongka Tnad Pule Puthi, Shri. Deepak Chavne, u la pynmih kawei ka jingbthah ba thymmai ha ka 14 tarik Rymphang 2022 da kaba batai bniah sha baroh ki Divisional Director of Education bad baroh ki Officers jong ka tnad Education hapoh Zilla Parishad ban ymdei shuh ban pynbor ia ki Khynnah Pule ba dei ban shim TIKA Covid, namar ba kan wanlam sha ka jingsngewsih jong baroh ki Khynnah Pule lem bad ki Kmie ki Kpa jongki bad ruh da kaba iathuh paidbah halor baroh kiliang kiba shah ktah jong ka jingim da kaba shim ia u TIKA covid bad lada kano kano ka wan jia hapdeng ka jingim jongki hapdeng ki
khyndiat por ne wat ruh da kaba ong ba “Kan wanrah pynban ia ka jingiap kaba khlem da poi pyrkhat ne wat da kino kino ki bynta kiba shyrkhei ka lah ban ktah ia ka jingim briew”.
La ong ruh ba ki Khynnah pule, ki lah ban shim ia u TIKA jongka Khlam Covid tad haduh ynda ki la ioh ia ka rai lyngba ka jingthoh (Written Permission) na la kijong ki Kme ki Kpa jongki. Katkum ki kyndon (guidelines) kiba la bthah lyngba ka Sorkar India halor ka Khlam Covid-19, ba ka jingai ia u TIKA ka dei banlong katkum ka mon shimet ban shim da kaba laitluid, ym pat da kaba shu shah pynbor ha kum kano kano ruh ka bynta.
Balei la hap ban punkut noh tang khyndiat khlem da pynmih pura katkum ka kyrwoh kumba la phah lyngba ka Kynhun AIM