Sngewkhia ka SSSS, ba shah kem ki dkhot Sengbhalang

Shillong,14 Risaw:
Ka Synjuk ki Seng Samla Shnong SSSS haba pynpaw ia ka jingsngewkhia halor ka jingshah kem thur mur ki dkhot ki sengbhalang ha ki pulit , tang shu jia kano kano ka jingjia ha kine ki sngi ba jur ka iakhih ILP, ka la kyntu ia ki pulit ba shuwa ba kin kem ki dei ban wad bniah bha na ki bor syntiat jong ki ban lap ia ki briew kiba donkti shisha ha ka kam pyntriem.
Shuh shuh ka Syn juk ka la ong ba bunsien hi haba jia kino kino ki jingjia ki ba lui lui ki shah kem hynrei kito pat kiba dei shisha ki runar kiba leh ia ka kam ki iaid sahuh bad khlem salia. Ka synujuk ki Samla Shnong ka la kyntu jur ia ki pulit ban tohkit bha ia ki jingjia shuwa ban kem iano iano namar ha kane ka pyrthei rhah spah mynta ki don wat kiba shim kabu tang ban ioh ia ki Insurance jong ki ruh ha kaba kum kitei ki briew kim khein wat shiing shisem ruh hynrei ki nud ban pynmynsaw bad wat ban pyniap.
Ka synjuk ka la ai ka jingiaroh ia ki nongmihkhmat kiba don haka liang pyrshah kiba la iakhun ILP khlem pynsngew ia ka jinglong party ka jong ki hynrei ki la ieng tylli mlon kawei ban dawa na ka sorkar ba ka dei ban pyntreikam ia ka ILP.Ha ka juh ka por ka Synjuk ka la ai khublei kyrpang ia U bah Jocob Marten uba long u samla rangbah bad u dkhot ka SSSS uba la ioh ia ka kyrdan Doctor of Philosophy (Ph.D) bad ruh ia kiwei kiba iohpdiang kyrdan doctorate bapher bapher kiba pyni ba ka Jaidbynriew ka la nangkiew ha ki jingnang jingtip.