Sngewkhia ka MPHRC, ba iap u pulit

Shillong, 24 Risaw:
Ha kaba pynpaw ia ka jingsngew khia jur halor ka jingshah siat ïap u Pulit Sub-Inspector uba la tip kum u Promith Sangma ha ha ki thaiñ khappud jong ka Pur khasia ha West Garo Hills, ha ki riew kieng atiar bym lah ithuh, ka Meghalaya Peoples Human Rights Council (MPHRC) ka la pynrem jur halor katei ka jingjia bad ka jingleh thombor jong ki kynhun beaiñ kaba long ruh pyr shah ïaka hok longbriew manbriew.
Ka jinglong jing man jongka suk ka saiñ ha ri lum Garo, ka la pynpaw ba kam don shuh ka jing shong shngain bad ka jingma ka ap wat ia ki riew madan madiah ruh kumjuh hadien ka jingshah siat ïap une u pulit. Kumta ka dei ka kamram jongka sorkar ban tehlakam bad wanrah biang ïa ka shongsuk shongsain na ka bynta ka jingshngain ki paidbah, ong u Chairman ka MPHRC u bah DG Dympep.
Halor katei ka jingjia ka MPHRC ka phah ïa ka khubor sngewlem sha ki dkhot jong ki longiing utei u pulit uba la duh ei ïa ka jingim jong u ha katei ka jingjia bad kyntu ruh ïa ka sorkar ban thung ïa ka jingtohkit khnang ban lap mano ba donkti halor katei ka jingjia.