Sngewkhia ka DS Nongpoh Proper, halor ka jingshah ktah kti u President ki nongniah Auto

Nongpoh: Haba iadei bad ka jingjia huri hura kaba la mih hapdeng ki dkhot ka HYC bad u President ka Nongpoh Region Auto Owners & Drivers Association (NRAO&DA), na ka liang ka Dorbar Shnong Nongpoh Proper, ka la pynpaw ia ka jingsngewkhia halor katei ka jingshah ktah kti u President ka synjuk ki nongniah Auto.

Ka shnong Proper, ka pynrem jur ia ki briew ba donkti ban ktah kti ia u President ka seng ki Nongniah Auto, namar ma u ruh u dei u nongshong shnong jong ka shnong Nongpoh.

Na ka liang ka Dorbar Shnong, ka pynpaw ruh ba kum kitei ki jingjia kim dei ban jia shuh nangne shakhmat ban wanrah kano kano ka huri hura bad ka jingkulmar ha shnong Nongpoh, hynrei kum ka shnong ka don ka jingangnud ba ki khun samla kin long ka nuksa ba bha ban wanrah ka jingshong shngain ha shnong ha thaw.