Sngewkhia ka BJYM, ba duh ding ka Amlarem Amlatdoh

Amlarem, 24 Iaiong :
Ka BJP Youth Wings Amlarem Mandal ha ka jingialam jong u President ka Party u Samla Everest Langstang bad u Secretary u Samla Hamsalet Lamin ki la leit ai ia ka jingpyntip sha ka Office u CEO jong ka MeECL ha Jowai ha kaba ia dei bad ka jingduh Transformer ka Shnong Amlarem Amlatdoh mynta la 8 bnai tam.
Ha kaba iadei bad kane ka jing leit ai jingpyntip jong ka BJYM ki la buh ka jing kyrpad na ka bynta ba kin sngewbha ban shim khia khnang na ka bynta ban pyn ioh ia u Transformer jong ka Shnong Amlarem Amlatdoh namar ba ha kine ki bnai ba la dep ka jingduh jong u Transformer mynta ka la long 8 bnai tam eiei bad ha kine ki khyndiat bnai ba la dep ki la juh buh teng ia are tylli ki Transformer bad ki ne ruh ki la duh biang bad kane ka long ka ba la Ktah shibun ia ka Shnong Amlarem Amlatdoh khamtam ia ki Samla pule , ki dukan ki Kharkhana, ki Clinic Doctor bad kiwei kiwei ki office Sorkar kiba don ha Amlarem.
Bad ha kane ka jingkyrpad jong ki la ban shuh shuh ia u Chief Engineer na ka bynta ba un shim khia khnang ia kane ia kane ka jing tyrwa jong ki na ka bynta ban pyn ioh kloi ia u Transformer jong kane ka Shnong khnang ba kane kan pynsuk ia baroh ki jing donkam jong ki paid jong ka tei ka Thain.