Jowai: Ka AJCCTA ka la kyntu ia ka bor District jong ka East Jaintia Hills District bad Sengbhalang ban shimkhia halor ka jingmih ka tdem jakhlia na AB Coke Factory kaba don ha Lad-Jalyiah.
Na ka liang u President ka AJCCTA, u ma Balen Thubru, u la ong ba katei ka Coke Factory ka la pynmih ia ka tdem kaba jakhlia bad ki paidbah kiba iaid ba ieng ki iohi ia kane bad ka jingsma dewiong kaba mih na kane ka karkhana ruh ka long kaba la palat.
U ma Balen u la ong ruh ba ka jingsma jong ka tdem kaba mih na katei ka Factory ka la ktah ruh ia ka Good Shepherd School kaba don ha Ladrymbai Datsimpein.
Ha kajuh ka por, ka lyer jakhlia bad tdem ba sma dewiong ka la ktah ruh ia ki paidbah ka shnong, Mookhep, Jalyiah bad Ladrymbai namar kane ka Kharkhana Thang rnga dewiong kadon hapdeng katba kine ki shnong ki don naruh sawdong jong ka.
Na ka liang ka AJCCTA ka la kyntu ia u Deputy Commissioner ban tuklar ia kane ka jingpynmih ia ka tdem kaba sma dewiong bad jakhlia da katei ka Factory.
Ha kajuh ka por na ka liang ka AJCCTA ka la kyntu jur bad ka khot ka wer ia kiwei pat ki sengbhalang ban tuklar halor katei ka tdem jong katei ka Coke khnang ba kan nym wanrah kano kano ka jingpang ia ki paidbah.
Phi don ban ong eiei?