Sngewhun u Conrad, halor ki mat bapher, ba leit rah u bah Ardent

Shillong: U Conrad Sangma, myntri rangbah ka jylla, u thoh hynnin ka sngi, ha ka twitter peij jongu, ba ula iakynduh bad U bah Ardent Basaiawmoit, nongialam ba hehduh ka VPP lem bad kiwei de ki nongialam jong katei ka seng. “Nga sngewhun shibun eh, halor ki mat bapher, ba ki don, na bynta ka bha ka miat bad ka jinglong jingman jong ki briew jongngi. Kum ka sorkar, ngi pdiang sngewbha ia ki jingai jingmut, na baroh ki seng sain pyrthei. Da ka jing iatreilang, ngin lah ban kyntiew ia ka ioh ka kot bad ka bha ka miat jong ka jylla” ong U Sangma, ha ka tweet jongu.