Hynriew phew hynriew ngut ki ophisar barim ka sorkar India, ki la thoh sha U Ram Nath Kovind, President ka Ri, ha kaba ki pynpaw ia ka jingsngew diaw mynsiem jongki, halor ka rukom trei kam jong ka Election Commission of India bad ba ki pyni ia ki jing pynkhein kyndon kiba bun, ba la leh da ka seng kaba don ha ka sorkar.
Kitei ki jingpynkhein ki kynthup ia ka jingkren jong u myntri rangbahduh, sha ka Ri, ha ka sngi ba pynher ia u namding uba la ai kyrteng anti-satellite weapon (ASAT), nangta sa ka phlim kaba pyni shaphang ka jingim U Modi bad nangta sa ka NaMo Tv bad nangta sa ki jingkren jong u myntri rangbah duh lem bad ki nongialam jong ka seng BJP.
Ki ophisar bairm, ki kynthup ia U Julio Ribeiro, u ophisar IPS barim, U Secretery bar ri barim U Shiv Shankar Menon, nangta U Lat barim ka Delhi, U Najeeb Jung bad kitei ki thoh “Ka jinglong laitluid ka ECI, ka jingkhuid bad ka jing bym shah liang jongka, kam long shuh ha kine ki sngi bad kumta ka buh ia ka jingma kaba khraw ia ka synshar paidbah jong ka Ri India. Ngi sngewkhia shibun, halor ka jing pynkhein ia ki kyndon elekshon Model Code of Conduct (MCC), da ka seng synshar jong ka Ri”. Kiwei pat kiba soi kyrteng ki long U Chairman barim ka TRAI, U Rahul Khullar, U Secretary barim ka sorkar India, U Keshav Desiraju, U CEO barim ka Prasar Bharati, U Jawhar Sircar bad u ophisar IPS barim, U Meeran Borwankar. Katei ka kynhun kham mynshwa, ka la thoh sha ka ECI, ha kaba ka la bthah ba kam dei ban ailad ban pyni paidbah ia ka phlim jong U Modi ha shwa jong ka elekshon.
Phi don ban ong eiei?