Imphal:Ki nongthawaiñ jong ka parti BJP ha jylla Manipur, ki la wan da ka plan ba kham pher ban buh ia ki synduk ha ki ïing sah ki jong ki, khnang ba ki tiar ba la tuh na ki kynhun pahara, yn pynphai noh.
U MLA jong ka parti BJP na Imphal East constituency, u K Susindro Meitei, u la ioh ia kane ka jingmut ha kaba u la buh ruh ka jingkyrpad ia kito kiba la tuh ia kitei ki tiar siat ba kin pynphai noh.
Ka poster ba heh bha la wah ha ïingsah jong u tei u MLA ha ryngkat ka jingthoh ba la thoh “Sngewbha wanrah noh ia suloi jong phi hangne”, ha ka ktien phareng bad Meitei.
Ha kaba la thoh ruh long laitluid ban leh ia kane, ha kaba yn ym kylli satia ruh kumne kine ki suloi ki.
Kum kane ka jing shimkhia jong u MLA ka jylla Manipur la sngew burom da baroh.
Palat 4000 thylli ki tiar siat bad san lak tylli ki kuli la tuh da ki briew bym lah ban ithuh na jaka buh tiar siat, ki police station jong ki kynhun pahara ba pher bapher ha jylla Manipur naduh ba sdang ka jing ia umsnam.
U MLA u la pynthikna ba un ym ïathuh paidbah ia kito kiba wanbuh ia ki tiar siat ha ïingsah jong u ne ha ki drop box.
Kumba 1000 tylli ki tiar siat la ioh ban kurup biang, ha ka sngi thohdieng 35 tylli ki tiar siat, la ioh kurup ha ka jingleit khynra da ki kynhun shipai.
Palat 100 ngut ki briew ki la duh ei, ia la ka jingim bad 310 ngut ki la mynsaw ha ka jingia umsnam pher jong jaitbynriew ha jylla Manipur kaba la sdang naduh ka 3 tarik jymmang.
Phi don ban ong eiei?