Shillong:U President ka National People’s Party (NPP) Meghalaya, u Bah Prestone Tynsong u la ai khublei ia ki paidbah kiba la shim ia ka jingkitkhlieh ban jied ia ki nongmihkhmat sha Lok Sabha, ban pynjop ia ka VPP bad ia ka INC.
U la kitbok kitrwiang ia baroh ar ngut ki MP bathymmai ba kin trei katkum ka jingangnud ki paidbah.
Haba kren mynta ka sngi, u bah Prestone u la ong ba lada rem ruh ka daw ka don bad lada jop ruh ka daw ka don, ka NPP ruh ka la shah jied ha ki piadbah ha u 2023, bad kum ka party kaba ialam ia ka Sorkar kan trei bha katba lah na ka bynta ki paidbah.
Haba kynthoh halor ka jingdawa hiar shuki u President ka VPP u bah Ardent M Basaiawmoit ba kiba don ha ka sorkar MDA ki dei ban hiar shuki noh namar ba shah rem ha ka MP elekshon, u bah Prestone u la ong um pat ju lap hangno hangno ruh ban ong ba kito kiba rem ia ka MP elekshon kin hap hiar shuki na ka Sorkar jylla, bad kane ka dei tang ka jingkren khynnah.
Ka election kadei hi ka election naduh kaba sdang, lah ong ba hap ban trei shitom, bad la trei shitom ruh pynbna dang rem, bad hap ban pdiang ia kaei ka rai ki paidbah bad hap pynbeit ruh ia ki jingduna.
Haba kren siat pharshi ia ka VPP, u bah Prestone u la ong, “Nga la iohi ba kibun kiba lang khamtam ha ka Shillong Parliamentary konstitwensi, ki la ong ba ki kwah ban ioh ia ka jingkylla, bad hap iaroh ia ki nongthep vote ba wat ka bai kali bai sha bai dud ruh ki ia sei hi, bad da kwah ba kiwei ki party ruh kin long kumta ba lada kwah ka jingkylla ym dei ka pisa”.
Ha kajuh ka por, u la ong ba sha nongkyndong, ki sngew ba lada jied ia kiwei lait noh ia ka NPP, ka kam Sorkar kan wan wad hi sha ïing bad kyrmen ban kan urlong kane ruh ba kan wan ka jingkylla.
U la ong ba halor ki nongtrei sorkar ki mut ban ong ba ka Sorkar ka leh beiñ ia ki hynrei ki don ia ka seng, balei kim wan ban iakren bad ka sorkar.
Long Live President VPP