Sngew lehrain ka Sur U Paidbah Hynniewtrep, ba ioh pisa duna ka Jylla

Shillong: Ka Sur U Paidbah Hynniewtrep, kaba la ialam da U bah HS Shylla, ka pynpaw ia ka jingsngewlyngngoh ka bakhraw katta katta ryngkat bad ka jingsngewlehrain, halor ka jingshah niew bein ka Jylla Meghalaya ha ka jingbhah pisa kaba duna palat.

Haka 11-5-2020 ka sorkar pdeng ka la pyllait ia ka song Pisa lyngba ka devolution revenue deficit grand 2020-21 bad haba la ia nujor ia ka bhah jong ka jylla Meghalaya bad kiwei pat ki jylla la paw penryngkew ia ka leh meinah, jing niewbeiñ jong ka sorkar pdeng, namar ia kiwei da ki phew hajar lak klur, hynrei ia ka jylla Meghalaya tang 4 hajar lak klur.

“Ka Sorkar Jylla jong ngi ka dei ban ai ka jingpynshai kaba bniah halor kane, ha ryngkat ka jingtip halor kiei ki nongrim la pynwandur ia kane, khnang ba ngin sngewthuh la kane ka jingmang ka dei namar ka jingbymnang jong ka Jylla Meghalaya lane ka jingibein jong ka Sorkar Pdeng” ong shuh shuh ka kyrwoh, ba la soi da U bah HS Shylla, Chairman, Bah Egenstar Kurkalang, Secretary bad U bah Thomas Passah, uba dei u nongkren jong ka Sur.