Sngew lehrain ka JNV ia ki nongsynshar ka JHADC

Shillong 04 Risaw:
Ka seng Jaintia National Volunteer (JNV) hapoh ka jingialam u president samla P Sari ka dap daka jingsngew lehrain haduh katta katta haba ioh sngew iaki kam jongki nongsynshar paid bah kiba hapoh ka Jaintia Hill Autonamous District Council (JHADC) kiba thmu ban thungkam Adhoc khlem da ai ki jingpyntip paidbah ba ki samla pule kin tip ban ia thep aplikeshon katkum ki kyrdan bapher bapher.Ha ka kyrwoh ka seng ka la ong kumba ka paw ha ki ki khubor naduh ki Grade I haduh ki Grade III ka Exectuive Committee ka JADC ka la shu thmu ban thung kam khlem ka jingpynban paidbah kum ki LDA , ki peon, S/A bad ki forest gaurd.
Katkum ba paw haduh 26 tylli dang tam ki kam ki mut tang ban shu thung adhoc iala ki jong ki jong ki briew khlem da khot jingpynbna  ban ailad ia kiwei pat ki samla pule jongka Jaintia kiba pyndep ha ki kyrdan bapher bapher ki ba bit ban trei iakine ki kam khamtam hakine ki sngi kiba bun ki samla pule ki kyrduh kam kyrduh jam haduh katta katta, la ong ka seng.Halor kane, ka JNV ka pyrsah ia kane ka jingleh jong ka EC ka JHADC ba ki mut ban pynduh iaka hok u paidbah khamtam iaki samla pule namar ba u paidbah u dang thrang ban ioh sngew iaki kam ba bha jong kine ki ec member bad ia u cem tad pynban la ioh sngew daki kam sopsop jongki kim kwah ban pynioh iaka hok u paidbah.  Ka seng ka dawa ia ka ka council ba kan ai noh daka jing pyntip paidbah khnang ba ki samla pule kin ioh ban thep aplai , la ong ka kyrwoh na u president JNV Bah P Sari.