Shillong: Ka Hynñiew Trep Youth Council War Jaiñtia Circle lyngba ka kyrwoh khubor na u President u samla Yoodahunki Shylla ka dap daka jingsngew kyndit iaka jingshah thombor u Bah Hep Lyngdoh u ba na ka shnong Nongtalang naki riew thrang snam kiba ym pat lah ban lap ksai iaki.
Haka 2tarik mynta u bnai u Bah Hep Lyngdoh u la jah rngai na iing haka por shiteng synia, kumta naka liang kiba ha iing ki la sdang ban leit wad ia u sharum shaneng hynrei kim lap ksai satia ia u.
Hapdeng ka jinglynga mynsiem, ki kynthei kila leit ban pyntngen pynshngaiñ iaka iing ka sem u Bahhep Lyngdoh katba ki shynrang pat ki la leit wad ia u ha kylleng ki khlaw ki btap bad ha kylleng ki shnong ki thaw ha war Jaiñtia bad dei tad haduh 5tarik mynta u bnai la lap ia u.
Na ka liang ka Seng ka pynrem jur iaki riew thrang snam kiba nud ban leh ia katei ka kam bymman ki bym don shuh ka jingiatip lem. Kumta ngi dawa jur naka sorkar jylla bakan shimkhia ban wanrah iaka suk ka saiñ u paidbah ka thaiñ namar kum kane ka jingjia kaba dang shu dep jia shen hakine ki sngi bala dep ha surok bah Dawki-Jowai namarkata ka sorkar ka dei ban bahkhlieh halor kane.
Haka juh ka por ka Seng ka phah kyrwoh sngewlem sha ka longiing longsem kiba mad iakatei ka apot lanot ba u Blei un don lang ryngkat bad ki bad u Bah Hep Lyngdoh ba un koit kloi naka tei ka jingshah pynmynsaw.
Phi don ban ong eiei?