“Dei ka jingshah pyniap” ong ka HNLC; sngew kyndit bad sngewsih kthang ka seng, halor ka jingiap U Bah Che

Shillong: Ka HNLC, ka pynpaw ia ka jingsngewkyndit bad ka jingsngewsih kthang halor ka jingshah pyniap u Bah Che.

Ha ka jingshisha ia u Bah Che lah pyndonkam da ki IB bad ki SB baroh shi katta ba un iasyllok bad ka seng ban wan iakren. “Ki shithi ba ngi phah sha ki IB bad ki SB ruh dei lyngba jong u” ong ka khubor ba la phah mynta ka step.

“Kumba ngi ioh jingtip 5sngi mynshuwa u Bah Che u shah byrngem pyniap ha u Herman Pakyntein, kaei kaba jia mynta ruh ka dei ba ki SHNLC kum u Herman Pakyntein, u Treng saw ki don bynta lang bad ki Pulit ban shim ia ka jingim jong u Bah Che. U Kynsai War bad u Herman ki dei kiba lum pisa ha ka kyrteng ka Seng, khamtam na ki dkhar, kumba ngi ioh jingtip bad ia ka pisa ki ia bhah hapdeng jong ki” ong shuh ka kyrwoh na U bah Sainkupar Nongtraw, General Secretary cum Publicity Secretary ka HNLC.

U Bah Che um don bynta bad ki kam ka Seng,hynrei u shu long tang kum u ksiang hapdeng ka seng bad ki SB ki IB. Ha kaba iadei bad kane ka jingjia, ka seng ka kyntu ia ki Sengbhalang ba kin buh hi la ka jong ka kynhun tohkit ban lap ia ka jingshisha la u bah Che u donkti ne em bad ka Seng.

Ka seng ka phah ka jingsngewlem sha kiba haiing hasem baroh bad ka HNLC kan iai buh jingkynmaw ia u Bah Che kum u nongseng bad u nongialam ba shitrhem, ong shuh katei ka kyrwoh.