Shillong: Ki nongtrei ka Nazareth Hospital hapoh ka lama ka Nazareth Hospital Workers Union (NHSWU) ka pynpaw ia ka jingsngewkhia kaba jur ha kaba iadei bad ka rukom pyniaid ia ka dukan die sha die ja ne canteen hapoh ka hospital.
Haba pyllait ia ka kyrwoh mynta ka sngi, u president ka seng u bah Kenneth Swer, u la ong ba ka seng ka kwah ban pynshai paidbah hangne ia ka canteen hapoh ka hospital, la pyniaid da ka AIR CHEF kaba dei ka kompeni napoh Guwahati bad naduh ba la pyniaid da kane ka kompeni ia ka canteen lah iakynduh ia ki jingeh ia ki nongtrei hapoh ka hospital bad kumjuh ruh ki paidbah ba wan thiah pang ki iakyndu.
“Ha ka canteen kaba mynshwa lah ban ioh ia ka sha saw ha ka dor saw tyngka shi pela bad sha dud San tyngka, katba ha kane ka kynti kaba mynta ki paidbah ki hap ban siew haduh 15 tyngka shi pela tang na ka bynta ka Sha la ka dei Sha saw ne shadud”, la ong u bah Kenneth.
U la ong ba ha kaba iadei bad kane, na ka liang ka Union ka la dep ai jingthoh ruh sha ka bor pyniaid ba ka dei ban peit bniah halor ki jingbam jingdih kiba ka canteen ka ai sha ki paidbah bad khamtam ha kaba iadei bad ka dor hynrei na ka liang ki bor pyniaid, ka hospital ki la shu sngap mynthi tad haduh ki sngi.