Sngew khia ka FKJGP ba pynslem ka sorkar pdeng ia ka ILP

Shillong: Ka Federation Of Khasi Jaintia & Garo People (FKJGP) Central Body ka pynpaw ia ka jing sngewkhia halor ka jing pynslem jong ka Sorkar Kmie ban khot ia ka Sorkar Meghalaya khnang ban ai jingmynjur halor ka rai ba la shim da ka ka Iing Dorbar Thaw-ain jong ka jylla ha ka 19 tarik Nohprah, 2019 ban pyntreikam ia ka Inner Line Permit (ILP) ha ka jylla.

Ha ka kyrwoh u president ka seng bah Welbirth Rani u la ong ba kane ka jingpynslem ka pyni ba ka Sorkar Kmie ka shim sting ia kane ka rai jong ka Iing Dorbar Thaw-ain ka jylla. Kumta halor kane, na ka liang ka FKJGP ka kyntu jur ia ka Sorkar Jylla ban bud dien mar-mar bad ka Sorkar Kmie khnang ba kane ka kam kan ym sahkut ha suin.

Ha kajuh ka por, ka FKJGP ka kyntu jur ia ka Sorkar Jylla ban pyntreikam noh mardor ia ka Meghalaya Residents Safety and Security Act (MRSSA), 2016 da kaba pyntreikam ia ki khyrdop talasi mynder ha ki khappud kaba long katkum ka Principal Act jong ka MRSSA 2016 bad ruh ban bthah ia ki District Task Force ban sdang noh ia ki kam jongki ha kaba iadei bad ka jingpyrkhing ia ka rung ka mih jong ki mynder ha baroh ki district ka jylla. Ka FKJGP kan sa iamir jingmut lang bad ki para Sengbhalang kiba ju iatrei lang ryngkat bad kiba la ia duhthiah duhdem bad shah shitom ban pynwandur ia ka Principal Act ne metbah ka ain jong ka MRSSA 2016 ban shim ia ka rai kaba tyngeh lada ka sorkar jylla ka dang pynslem bad leh mutlop da kaba aidaw kumne bad kumtai ban pynieng ia kita ki khyrdop talasi mynder. Ka sorkar jylla kam dei shuh ban dang pynslem ia katei ka kam namar ban talasi mynder ha kita ki kyrdop ym donkam satia ia kita ki ing paki dulan namar wat ha ka jylla Manipur ruh mar sien pyntreikam ia ka ILP la lah ban tehlakam lyngba kita ki khyrdop kiba la shu tei malu mala namar ka jingkhlain jong ka ain ka shong haka jing shimkhia jong kita kiba pyn treikam ia ka ain, kumta ka sorkar jylla Meghalaya kam dei shuh ban dang aidaw ia kata ka Amendment lane kata ka ordinance jong ka MRSSA 2016 hynrei dei ban nang pyntreikam beit mardor da