Shillong:U National vice president jong ka National people’s party (NPP) u bah Prestone Tynsong, ula kynthoh jur, ia ka seng TMC, ha ka jingkren ha ka jingialang pynbna kyrtong jong ka parti NPP ha ka 12 tarik Kyllalyngkot, ha ma dan Polo bad u la kynthoh tyngeh ia ka parti Trinamool Con gress, kaba don ha ka liang pyrshah ha ka jylla Meghalaya, da kaba u ong ruh ba ka dei ka parti kaba dang hynnin mynshisngi, katba ka la pynmih ia shibun ki jingpynbna jong ka, ha ki kot khubor.
Haba iadei bad ka jingpynmih jong ka parti TMC ia ka skhim ban ai jingiarap kyrpang ia ki longkmie ba la tip kum ka WE Card, ka ban ai jingiarap kyrpang 1000 tyngka shibnai sha ki longkmie bad ka MYE Card ka ban ai jingiarap kyrpang 1000 tyngka sha kito ki khun samla ki bym pat ioh kam ioh jam, u bah Prestone Tynsong, u la ong ban ai sha ki long kmie tang 1000 tyngka shibnai, ma u kum u kpa u sngew jemdaw bad um sngew iahap satia, kumta u kyntu ia ki paidbah ba kim dei ban biej ban ngop ha ki jing pynthame jong kiwei ki parti tang da ka pisa ba 1000 tyngka shibnai, kaba dei ka jingkular kaba tang ha suiñ.
Ha kaba u la ong ruh lada ka Mamata Banerjee ka iohi shisha ia ka jingduk jong ka jylla, balei kim ai noh mynta shwa ka elekshon, ban ia kaba ai hadien jong ka elekshon.
Haba ai jingkren shuh ha katei ka jingialang, u bah Tynsong u la iathuh ruh ba ka parti kan jop palat 35-36tylli ki constituency ha ka elekshon ban wan, kumba ka history hi ka long ba u Blei u la pynkhamti ia ka parti NPP ha u 2018 haduh mynta.
Haba iathuh ia ka jingiaid lynti jong ka sorkar haba iadei bad ka khlam kobid ha u snem 2020,u la ong ba ka long ka por kaba eh bah kaba pynduh thiah pynduh dem bha ia ki nongialam, hynrei ka sorkar ha ka jingialam jong ka NPP ka khlem shong kli kti, hynrei ki pynpoi lut ia baroh ki samla pule sha ka jyllla bad ka bah khlieh lut ia ka bailut ka baisep nadong sha dong na ka bynta jong kito ki samla ba pule bad trei shabar jong ka jylla,la ong u bah Tynsong. U la ong ruh ruh ba ka jing pynlut ha ka por jong ka khlam kobid ka long palat 500 klur tyngka, hynrei ki dang don kiba nud ban kynnoh ba u myntri rangbah u bam lut ia ka pisa, kumta u bah Prestone u la ong “Katba phi nang kynnoh katta ngi dang ioh mynsiem ban trei na ka bynta jong ki paidbah. To kylla ruh kaba mut khnang ba ngin lah ban wanrah ia ka jing kyrkhu”.
jem daw ka NPP, eh daw ka TMC, BJP
Sngew hun jrud ba jemdaw npp ehdaw TMC
Kumno ngi baroh ha ing ngi la leh ka mye card tangba ym ioh ka card ka pisa ba la pynbna..kane ka lah bn long Tang ka jingpynbiej rh ym tip