Sngew diaw na ka jingthut ka networ Jio ha Umkiang

Editor badon burom,

Ka Dorbar Shnong Umkiang ka pynpaw ia ka jingsngewdiaw halor ka jingbymtrei kam bha ka Network Jio hapoh ka Shnong Umkiang. Ka jingbym trei kam bha (data slow) ka pynlong ia ki paitbah nongshong shnong ka thain Umkiang Border ban shem jingeh namar kim ioh ia ka jingtip kaba biang lyngba ka Whatapp ne Social Media, bad khamtam ia kito ki nongshong shnong kiba duk basuk ki bym ioh shuh ban leit trei bylla sngi namar ki kohnguh ia ka jingpyniaid jong ka Sorkar haka por ka Lockdown, ha kaba ki kwah ban apply (online) ia ka Sngi bylla kaba la ai jingiarap da ka Sorkar , hynrei ki shem jingshitom namar bym biang ka Network Jio ha ki Thain Umkiang. Kumta la kyrpad ia ka Sorkar ba kan bthah ia katei ka Company Jio ban pynbiang ia ka Network ha kum kane ka por jong u Covid – 19, khnang ba kan long ka jingmyntoi salonsar. Khublei shibun

Shri Nicholas Lyngdoh,

Secretary,

Umkiang Village.