Smam ki pulit ha Motphran

Shillong,1 Nohprah:
Kumba long ha kiwei pat ki jingiakhih, la ju iohi ba ki pulit ki ju dap smam ryngkat ki tiar ba ki la pynkhreh ioh ka mih kano kano ka jinghuri hura bad ka jingkulmar hapdeng u paid bah, hynrei ha ka 30 tarik ka sngi saitjain ba la dep ba ki sengbhalang, ki la pynlong ia ka jingialang bah ha Madan student ym shym la don pulit kiba hiar sha katei ka jaka bad ym shym la iohi rong stem rong iong wat shabar ka Madan Student ruh. Hynrei la iohi pat ba ki pulit ki la dap smam ha Motphran ban khanglad ia ki paidbah ban tur sha ki jaka ba long paidbah ioh ka amih kano kano ka jingjia ba sngewsih.
Tang marsien wai ka jingialang kiba bun ki paidbah ki la leit phai sha la ki jong ki ing da kaba iaid lynti lyngba ka Motphran, hynrei haba la poi sha katei ka jaka ba la dap da ki bor puli,t ym shah ia kino kino ki ba ia kyrkait ia hylla ban iaid bad ki pulit ki pyllait tang ia kito ki iaid da ka jingjai jai, hadien ba kiba bun ki wan mih na ka jingialang paidbah ha madan Student, kaba wai ha ka por 3.30 nohsngi.