Sma iwtung ka Iew Mawlong

Shillong, 14 Iaiong:
Mynta ka step ha ka por 11:30 baje eiei ka la don ka jingsma iwtung kaba shyrkhei ha shi lynter ka Iew mawlong bad kumjuh ruh ha jaka ieng ki kali Smit, namar ka jingwan lum niut kaba dier por jong ki bor pyniaid iew ka hima Mylliem. Kumba ju long ia ki niut kiba mih na iewduh la ju wan khat ban leit bret ha ka por mynstep, hynrei mynta ka sngi pat la wan ha ka por mynsngi ha ka por ba ki paidbah nongiew ki dang iaid lynti, bad katei ka jingleit khat jaboh ka la pynmih ka jingsma iwtung kaba shyrkhei kaba baroh ki nongiaid lynti ki set khmut bad dap lyer ka kpoh.