Shillong: Ka jingialehkai ka State Level Inter School Football Tournament (Subroto Mukherjee Cup) 2018 ka la iaid sha ka sngi kaba ba saw ha madan Polo, Shillong ba la pynlong da ka tnad ialehkai ka jylla.
Ha ka jingialehkai kiba hapoh 17 snem shynrang, ka East Khasi ka la pynliem ia ka Ri-Bhoi da 2-0 kol. Ia kine ki ar kol, la thep da u Joshua Vanlalrinliana ha ka 23 minit bad u Tausee Raza ha ka 48 minit.
Ha ka liang ki kynthei pat ha ka u-17, East Khasi Hills ka la pylliem iaka West Khasi Hills da 2-0 kol. Ia kine ki kol lah thep da ka Sanfida Nongrum ha ka 25 bad 31 minit. Ha kawei ka jingialehkai, ka East Jaintia Hills ka la pylliem ia ka West Jaintia da 4-3 kol da ka shut bol ne tie-breaker. Ha ka jingialeh-kai, ka East Jaintia la thep da ka Dawanrimika Rymbai ha ka 40 minit katba ia ka West Jaintia lah thep da ka Darihun Lamare ha ka 26 minit.
Ha ka jingialehkai ki shynrang ba hapoh 14 snem, ka West Khasi Hills ka la shah pylliem ha ka East Jaintia Hills da 0-1 kol bad ia kane ka kol, la thep da u Sandy Kassar ha ka 42 minit.
Ha kawei ka jingialehkai, ka East Khasi Hills ka la pylliem ia ka Ri-Bhoi da 2-0 kol bad ia kine ki kol, la thep da u Colinsaimon Lyngdoh ha ka 10 bad 42 minit.
Ia ka phainal yn pyllong ha ka 6 tarik Nailur ia baroh ki kyrdan ialehkai.