Slem ka bai bam ki samla pule, bym treikam ka portal ka NSP

Shillong:Ka kyrwoh khubor na ka Directorate of Higher and Technical Education, Meghalaya, Shillong, ka pyntip mynta ka sngi, ba na ki 27327 ngut kiba dei ban ioh ia ka bai bam Umbrella Scheme of Post Scholarship, la phah pisa shapoh Bank, ia ki 13608ngut, ha ka 21tarik Lber 2025.

Na ka bynta ki 13,719ngut ki bym pat ioh, ka la wan ka mesej na ka NSP portal, ha ka 19tarik Lber 2025, na ka bynta ba kin pyniasnoh ia u aadhar number jongki bad ki account jongki ha Bank bad la ai por, ba kin pyndep ia katei ka kam, hapoh 15sngi, kaba dei ha ka 4tarik Iaiong 2025, hynrei la iathuh ba ka website jong ka National Scholarship portal (NSP), kan nym treikam naduh ka 3tarik Iaiong 2025, ha ka por 5baje janmiet bad ka jingshna kan dep haduh ka 8tarik Iaiong 2025 bad ia ki scholarship, yn sa sam sha ki samla kiba dei ban ioh, ynda haba la dep shna bha ia katei ka portal jong ka NSP.