Siew T.50hajar, ba shoh nongniah Trok

Jowai, 11 Jylliew:
Ka Jaintia Hills Truck Owners’ Association (JHTOA) kala iarap ban pynioh bai lutksan ia u nongniah trok ba shah shoh ha Beltola ha ka 7 tarik une u bnai.
Une u nongniah trok ba shah shoh ba la tip kyrteng kum u Iaishah Thubru, u la shah shoh ha u wei u nong Assam ba kyrteng u Lucky Amitja haduh ba ula mynsaw jur na ka bynta jong ka khlieh.
Hadien ba ka seng kala ioh jingtip ia kane ka jingiashoh iadat kala tuklar bad dawa na utei u Lucky ban siew iaka bailutksan ban phah sumar ia utei u Iaishah. Na kaliang utei u Lucky ula siew haduh 50 hajar tyngka bad kine ki arliang mamla kila poi sha ka jingiasuk.
Na ka liang ka JHTOA ka kyntu ia kino kino ki nongniah trok, lada ki ia kynduh kino kino ki jingeh ki dei ban pyntip mar mar sha ki nongialam ka seng khnang ba kan ioh leh iaka ba donkam na ka bynta ka bha ka miat ki nongniah trok.