Siew ka Meghalaya T. 30 klur sha ka NEEPCO

Shillong, Jymmang:
Ka jingpynlip bor ding ka lah ban kham duna hadien ba ka sorkar Meg halaya ka la siew T30 klur sha ka NEEPCO bad hadien kai bnai kan sa siew biang sa T. 20 klur.
Da kane ka jingsiew ka sorkar Meghalaya ia ka ram ka NEEPCO ka lah ban ai bording biang shen.
Ia kane ka jingsiew la pyndep ha ka jingialang ka NEEPCO bad ka MeCEL ka tnad bording ka osrkar jylla bad ka tnad bording ka sorkar pdeng kaba long ha ka 2 tarik u Jymmang.
U Commissioner & secretary ka tnad bording u Bah Jopthiaw Lyngdoh u la iathuh ba ka tnad bording kan siew shwa T.30 klur ia mynta bad hadien lai bnai kan sa siew sa T.20 klur sha ka NEEPCO.
La sngewthuh ba ka tnad bording kan sa siew sa T.30 klur hynne ka sngi nyngkong. Ka MeCEL ka shah ram haduh T. 379 klur sha ka NEEPCO bad namar ba kam lah siew ka NEEPCO ka la sahngeh ai bording la kumba mynta shi snem eiei. Namar kane ka daw ka MeCEL ka la hap ban pynlip light haduh 10 haduh 11 kynta ha ka shi sngi.