Ka tnga bad u khun jong U Additional Session Judge, ki la shah siat mynta ka sngi ha Gurgaon, ha kaba la siat da u pulit pahara jongki hi. Utei uba siat, ula phet na katei ka jaka bad la ioh ban kem ia u, kham hadien.
Katei ka jingjia, ka jia ha ka por 3baje nohsngi ha Unitech Arcadia bad kitei kiba shah siat, ki dei ka tnga bad u khun jong U Krishan Kant Sharma, uba dei U Additional District and sessions judge ha Gurgaon.
Kitei ki la leit sha Arcadia, na bynta ki jingdonkam jongki bad u pulit pahara, ula siat katba ki dang iaid shabar na katei ka kali jongki. La leit ialam mar mar ia kitei kiba mynsaw sha Park Hospital, ha kaba ki dang don mynta ha ka jingsumar, ong ka khubor pulit.
Utei uba siat ia ki, u dei U Mahipal (32), uba dei u u heh langrut, uba dei na ka shnong Mahendargarh. Utei ula trei bad U Sharma, la 1shisnem san bnai.