Ha ki kynta jong ka pakhang shnong ha baroh kawei ka thaiñ shatei Lam mihngi, ka la mih ka jingiakynad hapdeng ki pulit bad ki samla kiba la leit ban khang lynti ia ki surok bah bad ha katei ka jingjia ki pulit ki la ther kuli naphang bad ki la don 6 ngut ki samla kiba la mynsaw jur. La ong ba kitei ki samla ki dei ki dkhot jong ka IPFT (Tipraha), katei ka jingjia ka la jia ha ki thaiñ ka Madhab Bari. Ki khubor na Tripura ki la iathuh ba ki pulit ki khlem ai satia kano kano ka jingmaham ia ki nongiakhih shuwa ba kin siat ia ki hynrei la ong ba katei ka jingther kuli ka dei kaba kyndit kyndit.
Shuh shuh katei ka lad khubor ka la iathuh ba hadien ba la iohi ba ka pakhang shnong ka treikam pura, ki dkhot ka BJP ba ialam da ka Pratima Bhowmik ki la leit sha ki ophis bapher bad ki dukan bad ki byrngem ia ki nongtrei ba ki dei ban trei beit ia ka kam jong ki lym kumta kim dei shuh ban wan trei naduh lashai ka sngi, katei ka kynhun ka BJP ka la patar ruh ia ki jingthoh kiba la tah ha kynroh kiba la thoh pyrshah ia ka Citizenship Amendment Bill, 2016 bad ia ka sorkar BJP.