Shillong: Hadien ka jingsngap mynthi jong ka sorkar Meghalaya Democratic Alliance (MDA), ki nonghikai contractual kiba la shah weng kam ha ka sorkar, mynta ka sngi ki la iaid paidbah, ban pynsngew halor ki jingeh jong ki, ha khmat ka sorkar.
Ki nonghikai contractual kiba la shah weng kam, hadien ka jingiakhih ka ba jai jai, mynta la shibnai hynniew sngi, da ka jingiakhih shong kyllain myngngor hajan ka civil hospital bad mynta ka sngi ki la rai ban tur sha Secretariat.
Na ka liang ki nonghikai contractual, kiba don kumba 100ngut eiei, ki la pynlong shwa ia ka jingialang hajan civil hospital, ki la pynlong da ka jingiaid paidbah najan civil haduh secretariat.
Hakane ka jingiatur sha Secretariat na ka liang ka tnad pulit, kiba la ap pahara lupa ia kane ka jaka ki la pyrshang ban khang ia kine ki nonghikai ban tur sha secretariat, hynrei ki nonghikai ki khlem sngap bad tur beit beit sha secretariat.
Ki nonghikai contractual kiba kynthup lang ia ki nonghikai shynrang, hynrei ki kham bun ki dei ki longkmie kiba la wan ialam lang ia ki khun kiba dang rit bad don ruh na kine ki longkmie ki ba dang armet, hynrei ha kane ka sngi ym shem la iohi ia ki bor pulit kynthei ban wan pahara ha kane ka jaka.
Haba ki nonghikai, ki la sdang ban tur beit sha Secreteriat, kumta ki pulit ki la siat laisien sha suin, da ka lyer pynsat khmat.
Ki nonghikai, ki la ap ia ka jubab jong ka sorkar haduh shibnai hynniew sngi bad haba ki pulit, ki la siat da ka lyer pynsat khmat, ki la pyrta jam da kawei ka sur “Ngi dei ki nonghikai ngim dei ki lehnoh “.
Down down mda government phuit pha prestone tyngson Conrad sangma ki ksew ieit mynder ym don snam shuh ha khmat jongphi kat iaki paradoh parasnam phi hun ban pynduh kam pynduh jam iaki nonghikai jongngi..ko sorkar bamsap donbok phin IAP haki jingpang ba syrkhei phin IAP khlam baroh shi ing phuit ksew pohjait prestone and conrad