Siat ki runar ia ki shilok kiba sah bri ha Lapangap

Jowai, 6 Risaw:
Ki arngut shilok, ki la shah siat ha u lane ki briew ki bymlah satia ban ithuh haka por ba ki dang iohthiah lyngngai ha kawei ka trep sah bri jong ki, kaba don hajan ka lyngkha kba jong ki ha ka shnong Lapangap.
Kitei ki ar ngut shi-tnga kidei kiba na ka shnong Barato. U ma Thin Situng uba dei u lok u la shah siat na lynghoh kti kadiang.
Kane ka la jia ha ka miet sngi ba-ar. La iathuh ba mar synbthei u kuli bad dei ha kti u ma Thin, baroh ar ngut ki la ia kyndit bad ki la phetiap noh napoh katei ka trep sah bri.
U ma Thin Situng uba la ujor sha ki pulit u la iathuh ba ma u ula phet iap sha Barato katba ka lok jong u pat ka la poi sha shnong Lapangap hapdeng ka jingdum ka miet.
U ma Thin uba la mynsaw la kit sha Nartiang PHC ban ioh ka jingsumar.
Halor kane ka jingjia, la ujor ejahar hynnin ka sngi Balang bad ki pulit ka Jowai Police Station ki la pynlong ia ka jingtohkit halor ka jingjia katkum ki kyndon ain ba la pynngat ia ki runar ba donkti.