Siat ki BSF, phet krad ki khar Bangladesh

Shillong: Ha ka 20tarik mynta u bnai, ki nong lute kiba na Bangladesh, ki la wan rung sha u pud u sam jong ka India, ha ryngkat bad ki lieng kiba la pyndait bad ki 05engine, ha ki bynta jong ka wah Hari(Myntdu) jong ka West Jaintia Hills district, da ka jingthmu ban tuh.

Ki BSF, ki la pynsangeh ia kitei ki nongtuh, hynrei kim shym la shah shkor satia bad ki la siat pynban ia ki shipai khappud bad ki BSF ruh ki la siat kylla da ki jingsiat Pump Action Gun(PAG) bad dei ynda haba ki la shah siat, ba ki sa leit phai noh bad la iathuh ba ki la mynsaw ruh malu mala. Ki BSF, ki iathuh ruh ba ki la ioh kurup ia lai tylli ki dieng kiba don ia ki shana motor, kiba la tyrkhong. Ki BSF, ki la ujor tyngeh sha ki Border Guard Bangladesh bad ki la bthah ba kin pynshitom ia kitei ki runar.